بابل اباد
سؤز «بابل آباد» دان گئدير، قرهضياالدينين 7 كيلومترليگينده يول قيراغيندا بير تپه باشيندا يئرلشهن بير كند.بو كند اؤقدر آدليمديركي بيزيم شهري تانيمايانلار، بابل آباد آديني ائشيدجهك دئييرلر « تانيديم» .آما ندهن آدلانيب؟!
بلكه بوردان بير بؤيوك آداملار چيخيب؟! يادا بؤيوك كارخانالارا صاحيبدير؟! دؤغرودور، ائله بؤيوك اينسانلاركي افغانيستان تاجيرلرينهن ريقابت ائلهييرلر!! ائله بؤيوك كارخانالاركي افغانيستانين صادراتينا رقيبدير!!
بو سؤزلرينهن بير ميللته يا بير سؤيا (نژاد) توهين ائلهمك نييتينده دييرهم.آما بو گئرچكدنده (حقيقت) گؤز يوما بيلمريك . بونا گؤرهكي بو پرابلِم(مشكل) ، ايشسيزليك دردينه اوستهليك اولوب جاوانلاريميزين جانيني ياخماقدادير.
«بابل آباد» دان گئديب جينس آليب قاييدماغين اورتاليق زاماني 15 دقيقهدن ده آز اولا بيلركي بيزيم شهرين هئچ بير ايدارهسينده ،هئچ بير ايش بو موددتده يولا سالينمير! بونا وئريلن آشاغي هزينهده هئچ بير يئرده خرج اؤلونمور.
كيم نه بيلير؟! بلكهده بو اؤز اللريميزديركي اؤز باشيميزا بو اؤيونلاري آچير!!!
بو كندين بيزيم شهره ياراتديغي پرابلملر ائله بوردا بيتمير. شهرين قيراغيندا اولان ائولردهن علاوه ايچري ائولردهده اوياق ياتيرلار بلكه ماللاريني بَرك توتسونلار،آخي قديم كيشيلر دئييبلر:«مالين برك توت قونشونو اوغرو توتما».
آما اودا قديميدير، بس اوندا گؤرَوليك و امنبت ايشچيلري نَيه لازيمديلار. اونداكي قونشونون ايشي ائله بودور ، بس بيز ائله ياتمامالييق؟!
بو دوروم ائله بئله سورمهليدير؟ بلكهده بير پيلانلار ياپيلير،آما ايشهگلنده……!
آغاجي اؤز ايچيندهن مور يئيير، هله بيز ديشارييا(خارج) هوجوم چكيريك.
آللاه آخيريميزي خئير ائلهسين…
بو بیر اینتیقادچی وبلاگدیر کی چایپارا شهرینین و آذربایجانین دورومونا باخاراق اونون بیر یاخشی شهر کیمی قاباغا گئتمسینه چالیشیر